|
Weather in Pretoria South Africa
| Arrestasie: Rietondale |
Op 2012/03/20 om ongeveer 04:30 het die reaksie offisiere twee persone gearresteer weens diefstal van koperkabels. Reaksie offisier Meas Mahlo het tydens patrollie opgemerk dat die straatligte in Tom Jenkins Straat nie werk nie. Hy het ondersoek ingestel en gevind dat die elektriese drade op die hoeke van Tom Jenkins en Jan Hugo strate geknip is. Na verdere ondersoek het hy gesien hoe drie swartmans uit die veld oorkant die straat stap en in n taxi klim in Soutpansbergweg. Hulle het drie sakke in hul besit gehad. Hy het die taxi agtervolg en het die ander Rietondale voertuig ontbied vir rugsteun. Hulle het die taxi van die pad getrek en het twee van die drie verdagtes gearresteer. Die derde het daarin geslaag om te ontsnap. Binne die sakke was koperkabel wat in stukke gesny was. Hulle het beslag gele op die bewysstukke en het dit saam met die verdagtes aan die polisie oorhandig. Ongeveer 20m kabel is teruggevind. Hierdie was die derde keer dat die elektriese kabels op presies dieselfde plek geknip word. Die volgende reaksie offisiere was betrokke by die arrestasie:
Op 2012/03/09 om ongeveer 05:30 het die reaksie offisiere n persoon in 18de laan gearresteer weens besit van vermoedelik gesteelde eiendom. Hy het ses plastiese tuinstoele in sy besit gehad. Hy kon geen redelike verduideliking vir sodanige besit gee nie. Dit is drie blou en drie wit stoele. Die Sapd is ontbied en die verdagte is aan hulle oorhandig. Volgens die Sapd is dit nie die eerste keer dat hy weens n soortgelyke oortreding gearresteer word nie, en is hy bekend aan hulle. Tot op hede het niemand nog n diefstal van tuinstoele aangemeld nie. |
